Директорот Слободан Ивановски оствари работен состанок со експертите за безбедност, Г-дин Фабио Серагуса експерт на Италијанска финансиска полиција со седиште во Белград и Г-дин Масимо Пани експерт по безбедност при италијанската амбасада во  Скопје. На  состанокот беа дискутирани теми од заеднички интерес, со посебен акцент на потребата од продлабочување на заедничката соработка во делот на сузбивање на економскиот и финансискиот криминал, кој предизвикува штета на Буџетот на двете земји, како и на Буџетот на Европската заедница.

Соговорниците се сложија дека заедничката соработка, со посредство на амбасадата на Република Италија во Скопје е на исклучително високо ниво, со тенденција за развивање и во иднина. Заедничка е заложбата за продолжување на успешната соработка во иднина, со цел постигнување на уште поголеми резултати во борбата против организираниот криминал и нелегалните финансиски активности.