Во емисијата Топ Тема на Телма ТВ, директорот Слободан Ивановски информира за тековните активности на Управата за финансиска полиција како и за повеќе актуелни предмети.

Во организација на МЦМС се одржа Антикорупциски караван во Битола и Прилеп чија цел е заедно со граѓаните да се води битка и да се добијат реални резултати во борбата против корупцијата. Учесниците во Антикорупцискиот караван упатија заедничка порака дека во борбата против корупцијата треба да се настапува заеднички и со поддршка на граѓаните. На плоштадот магнолија во Битола се обрати и Слободан Ивановски, директор на Управата за финансиска полиција кој најави формирање на систем кој како што рече ќе биде имун на ургенции.

Слободан Ивановски, в.д. директорот на Управата за финансиска полиција, во интервјуто „Фактор“ открива дека веќе се започнати две иницијативи за проверка на потеклото на имотот на поранешни функционери, од кои еден бил доскорешен судија. Се работи на повеќе предмети, а веќе е одземена документација од ЕСМ за спроведени сомнителни јавни набавки во периодот 2021-2022, вели тој во интервјуто.

Во неделното интервју за Радио Слободна Европа, беа опфатени повеќе теми меѓу кои реформирање на системот на работење на Управата за финансиска полиција, формирање на одделение за внатрешна контрола како и модернизација и дигитализација на Управата преку ДМС системот.

Голема странска инвестиција која се уште работи во земјава е под лупа на Управата за финансиска полиција. Првиот човек на оваа институција Арафат Муареми во интервју за Фактор вели дека со овој случај ќе докаже дека дел од инвеститорите дошле во земјава само колку да земат пари од буџетот. Колкав криминал е направен и колкава е штетата на државниот буџет, Муареми вели дека набрзо ќе се дознае.