Денес, 02.04.2025 Директорот, Слободан Ивановски оствари  работен состанок со Џејсон Корли, постојан правен советник на САД кој ја води програмата ОПДАТ на Министерството за правда на САД, Мајкл Мек Ки, аташе за спроведување на законите во Амбасадата на САД кој ја води програмата ИЦИТАП, како и со претставници на Амбасадата на САД во Скопје.

На средбата се разговараше  за повеќе теми од заеднички интерес, при што беше истакната  важноста на соработката и поддршката што Управата за финансиска полиција континуирано ја добива од Амбасадата на САД.

Соговорниците се сложија  дека заедничка заложба и цел  е ефикасна, одлучна и неселективна борба со организираниот криминал и корупција, владеење на правото и натамошна професионализација на Управата за финансиска полиција. Соработката со меѓународните партнери е клучна за унапредување на нашите капацитети и постигнување видливи резултати во оваа област.