Управата за финансиска полиција активно е вклучена во големата акција за проверка на работата на објектите кои функционираат како кабареа, дискотеки и ноќни клубови низ земјава и постапува согласно со своите законски надлежности. На располагање се ставени сите капацитети на Управата за финансиска полиција за потребите на оваа акција, која има за цел да открие евентуални неправилности и нелегални активности во работењето на овие објекти.

Директорот на Управата за финансиска полиција присуствуваше на свеченото предавање на акредитацијата од Меѓународната асоцијација на директори на полициски академии за стандарди и обуки (IADLEST), која ја врачи амбасадорката на САД, Н.Е. Анџела Агелер. Ова признание е значаен чекор во унапредувањето на стандардите за полициска обука, со што се овозможува постојан професионален развој и усовршување на припадниците на полицијата. Инвестицијата во едукација е инвестиција во посигурна иднина, а поддршката од нашите меѓународни партнери е клучна за градење на модерен и ефикасен безбедносен систем.