На ден 04.01.2019 година во просториите на Управата за финансиска полиција се одржа работна средба помеѓу министерот за финансии Драган Тевдовски и директорот на Управата Арафат Муареми.На работната средба се дискутираше за постигнатите резултати на Управата во 2018 година и планираните активности за 2019 година.

Ве известуваме дека Управата за финансиска полиција во поглед на реализираните мерки и активности во текот 2018 година до надлежните Јавни обвинителства поднесе 74 кривични пријави против 68 правни лица и 163 физички лица со кои е нанесена штета на Буџетот на Република Македонија во вкупен износ од 3.018.354.504 денари или 48.919.846 ЕУР.

Ве известуваме дека Управата за финансиска полиција до надлежните Јавни обвинителства ги поднесе следните кривични пријави против повеќе физички и правни лица

На ден 19.12.2018 година Управата за финансиска полиција и Централниот регистар на Република Македонија потпишаa Меморандум за соработка. Овој меморандум е резултат на долгогодишната соработка помеѓу овие две институции. Со него се гарантира континуитетот во унапредување на институционалната одговорност, но и посветеноста на двете институции за откривање и анализа на податоци за кои постојат основи на сомнение за сторени кривични дела и нивните сторители од областа на финансискиот криминал...

Управата за финансиска полиција на 28-29.11.2018 беше домаќин на работилница за „Одземање и управување со средства стекнати со криминални дела“. Истата беше организирана во соработка со ОБСЕ и ГИЗ. ЕУ во изминатите две децении има поддржано многу реформи во Западен Балкан. Работењето на реформите во владеењето на правото, основните права и доброто владеење остануваат клучни прашања за овие земји и голем предизвик за глобалната заедница.

На 01.11.2018 Директорот на Управата за финансиска полиција, Арафат Муареми ја отвори втората меѓународна конференција за спречување на перење пари и финансирање тероризам организирана од Институтот за бизнис и менаџмент - Хајделбер и Академијата за банкарство и информатичка технологија – АБИТ.

На ден 28.10.2018 г во се оддржа средба на која  беа разменети искуства  и мислења, помеѓу Управата за финансиска полиција и Државното правобранителство. Оваа средба беше договорена на предходните состаноци каде беше завземен став дека е неопходно потпишување на меморандум за соработка, помеѓу овие две исклучително важни институции. Меморандумот беше потпишан од страна на Директорот на Управата за финансиска полиција, г-динот Арафат Муареми и Државниот правобранител, г-динот Фехми Стафа како застапник на Државното правобранителство. Со потпишување на овој меморандум кој е од взаемна важност, уште повеќе се зајакнува и продлабочува соработката помеѓу институциите.

Во акцијата „Грант“, спроведна од страна на Управата за финансиска полиција, каде што се опфатени четири службени лица од Општината Демир Капија, меѓу кој и екс градоначалникот Т.Д., на предлог на Јавен Обвинител, Основниот Суд Скопје 1 на три осомничени лица им определи мерка притвор во времетраење од 30 дена, а за четврто осомниченото лице е определена мерка куќен притвор.

Наместо да спречува дивоградби, градоначалникот дозволил објектот на Општината Карпош каде што е сместена општинската администрација, да се изгради без одобрение за градеше и без соодветна архитектонско-урбанистичка документација.

Голема странска инвестиција која се уште работи во земјава е под лупа на Управата за финансиска полиција. Првиот човек на оваа институција Арафат Муареми во интервју за Фактор вели дека со овој случај ќе докаже дека дел од инвеститорите дошле во земјава само колку да земат пари од буџетот. Колкав криминал е направен и колкава е штетата на државниот буџет, Муареми вели дека набрзо ќе се дознае.