Продолжување на досегашната соработка и заеднички активности кои ќе ги преземаме во периодот што следи, беа фокусот на денешната работна средба со Полициското аташе при Министерството за правда на САД, Мајкл МекКи и директорката на Канцеларијата за меѓународна борба против наркотици и спроведување на законите (ИНЛ) при Амбасадата на САД, Вирџинија Елиот. На средбата се говореше за проектите и досегашната поддршка во доменот на кривичните истраги, преку меѓународната програма ИЦИТАП.

Директорот на Управата за финансиска полиција, Слободан Ивановски оствари работна средба со Алмир Кудра, советник за транснационални закани од Отсекот за развој на полицијата при Мисијата на ОБСЕ во Скопје. Досегашната соработка и идните планови за нејзино продлабочување, беа темите на работниот состанок.

Продлабочувањето на соработката со реномирани меѓународни институции, во сегментот на сродното делување на УФП, е еден од главните приоритети на Управата за финансиска полиција во тековниот период, во константната борба со финансискиот криминал.

Директорот на Управата за финансиска полиција, Горан Иванов оствари работен состанок со претставници на Британската управа за јавни приходи и царина (HMRC) На состанокот беа согледани активностите и придобивките од досегашната соработка која е на исклучително ниво. Од страна на Директорот, Иванов на високите претставници им беше упатена благодарност за подршката која несебично ја пружаат преку техничка и стручна помош, за склучениот меморандум за соработка како и за вклучување на Управата за финансиска полиција во програмите со обуки на теми кои се од делокругот на работењето .

Денес во рамки на предметните содржини , кои ги изучуваат студентите на Правниот факултет-програма за безбедност и криминалистика, при Универзитетот нa Југоисточна Европа, со предметниот професор Муазам Халили реализираа посета на Управата за финансиска полиција.

Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела “Измама” по чл. 247 и “Фалсификување исправа” по чл. 378 од Кривичниот Законик, за сторена штета во вкупен износ од 214.411.861 денари.

Директорот на Управата за финансиска полиција, Горан Иванов оствари работна средба со Г-дин Сајмон Вудкок, досегашен претставник на Управа за јавни приходи и Царина на Обединетото Кралство за Косово и Северна Македонија и ново назначениот претставник, Г-дин Давид Мартин. Директорот Иванов покрај другото му се заблагодари на Господин Вудког, за силната и принципиелна поддршка, личен ангажман и искрената заложба за унапредување на капацитетите на Управата за финансиска полиција и му посака пред се добро здравје, и успех во понатамошните ангажмани порачувајки му дека останува верен пријател и поддржувач и во секое време добредојден во Управата за финансиска полиција.

Управата за финансиска полиција до Основното јавно обвинителство Скопје поднесе кривична пријава против три физички лица за сторено кривично дело Измама од чл.247, а во врска со соизвршителство по чл. 22, помагање по чл. 24 и продолжено кривично дело по чл. 45 од Кривичниот Законик на Република Северна Македонија.

Директорот на Управата за финансиска полиција, Горан Иванов оствари работна средба со Јавниот обвинител на Република Северна Македонија, Љупчо Коцевски. На средбата беа истакнати заедничките заложби за зајакнување и продлабочување на соработката меѓу овие две институции.

Управата за финансиска полиција преставувана од Директорот, Горан Иванов и Правен факултет „ Јустинијан Први “ – Скопје при Универзитетот „Св.Кирил и Методиј“ преставуван од Деканот, Сашо Георгиевски потпишаа Меморандум за соработка.